Tiranë, 14 janar NOA - Kërkonte dhe merrte para kundrejt kryerjes së procedurave për birësimin e fëmijëve, përfundon në qeli 30-vjeçarja.
Zana Shoshari, 30-vjeçe, lindur në Bilisht Devoll dhe banuese në Tiranë është arrestuar sot pasi ishte shpallur në kërkim sepse ndaj saj, Gjykata e Shkallës së Parë për Krimet e Rënda Tiranë me vendim të datës 17 shtator 2009, e ka dënuar me 4 vjet burgim, duke e akuzuar për veprën penale "Kërkim ose marrje shpërblimi për procedurat e birësimit në bashkëpunim".
Burime nga policia thanë se kapja e saj, u realizua në orët e para të mëngjesit të ditës së sotme në Shkozë (në afërsi të ish Uzinës Traktori) në Tiranë. Shoshari fitonte para duke shfrytëzuar postin e saj në nisjen e procedurave për birësimin e fëmijëve.
Pas një denoncimi prokuroria nisi hetimet duke mbledhur prova të mjaftueshme të cilët binden gjykatën për të dënuar 30-vjeçaren.
k.k/NOA
