Uashington, 16 Janar NOA - Michael Winston Hicks, është një djalë amerikan tetë vjeç i cili ka hyrë jo në listat e të vegjëlve me talente të rralla, por të pasagjerëve të rrezikshëm. Emri i të voglit, është konfirmuar si brenda listës, nga autoritetet e amerikane, përgjegjëse për sigurinë e fluturimit.
Për vite të tëra, çdo herë që Majkëll udhëton, prindërit e tij duhet të kalojnë përmes një mijë problemeve, dhe në disa raste ai është penguar të udhëtojë, edhe pse prindërit kanë raportuar se ky është një rast i përsëritur.
Michael Winston Hicks, i lindur në New Jersey është përshkruar nga gazeta "New York Times" si një "udhëtar që udhëton shpesh".
E ëma e djalit, Najlah Feanny Hicks, i tha gazetës se problemet e fluturimit të fëmijës kanë filluar në moshën dy vjeç.
Familja Hicks ishin në aeroportin Newark, në New Jersey, kur oficerët e sigurimit u thanë atyre se nuk kishte vend për fëmijën në aeroplan. Emri i tij figuronte në "listën e udhëtarëve të dyshimtë".
Më pas fëmija ishte kontrolluar imtësisht, sa ka filluar të qajë. Që atëherë, kjo situatë është përsëritur disa herë, por jo gjithmonë- ka cituar e ëma e fëmijës.
Arsyeja - ka shpjeguar Hings - qëndron në faktin se emri i tij edhe pse nuk figuron në listën "no fly list" "pasagjerët që ndalohen të udhëtojnë" (që përfshin rreth 2.500 emra, nga të cilat vetëm 10% janë amerikanë), ai është i përfshirë në listën shumë më të gjatë "pasagjerë të selektuar", për të cilët Administrata e Sigurimit të Transportit (TSA) ofron procedura shumë më të rrepta.
E pyetur nga gazeta "New York Times", Administrata e Sigurimit të Transportit refuzon të shpjegojë rastin Hick.
Gjithashtu ajo është kufizuar të specifikojë se "nuk figuron asnjë fëmijë në listat tona", duke mos dhënë shpjegim më shumë për rastin e Winston Hicks, komenton e përditshmja më e madhe amerikane, "New York Times".
a.k/NOA
