Tiranë, 19 janar NOA - Korrupsioni me patentat nga një autoshkollë në Korçë që u zbulua nga emisioni "Fiks Fare" ka sjellë dhe reagimin e Drejtorisë së Përgjithshme të Shërbimeve të Transportit Rrugor e cila ka marrë menjëherë masat.
"DPSHTRR pasi u vu në dijeni të filmimeve të një ngjarje të shëmtuar dhe korruptive të shfaqur dje në emisionin "Fiks Fare", ku pronari i autoshkollës "Saraci" në qytetin e Korçës i premtonte një shtetaseje marrjen e provimit në mënyrë korruptive, duke shkelur rëndë procedurat ligjore të testimit, ka marrë të gjitha masat ligjore administrative të cilat konsistojnë në Heqjen e licencës të autoshkollës "Saraci" në qytetin e Korçës,shkarkimin e menjëhershëm të punonjësve, Aurel Agolli, Pirro Kacorri dhe Bashkim Myertezai të cilët janë implikuar në këtë ngjarje, pezullimin e përkohshëm të procedurave të testimit në këtë qytet" deklaroi sot DPSHTRR.
Duke marrë shkas nga kjo ngjarje DPSHTRR-ja ka siguruar të gjithë opinionin publik që reagimi do të jetë gjithmonë shumë i ashpër ndaj gjithë atyre që do të përsërisin akte të tilla korruptive.
k.k/NOA
