Torino, 19 Janar NOA - Pas një disfate tjetër, e ardhur kjo javën e fundit në kampionatin italian, ajo përballë Chievos dhe pas një rënie në klasifikim, tifozët e Juventus nuk mund të mbajnë më dhe janë të gatshëm për tu futur ata në fushën e lojës, kjo si një shenjë proteste kundrejt drejtuesve, lojtarëve e teknikut të klubit të Juventus.
Kujtojmë që tifozët e këtij ekipi janë të dënuar për një turn dhe nuk mund të shkojnë në stadium për të mbështetur skuadrën e tyre, ku krahas saj ekipi është gjobitur për këtë gjë pasi vazhdojnë të jenë të pranishme akoma koret raciste kundrejt Ballotelit të Interit dhe skena të tjera të cilat nuk i përkasin sportit të futbollit.
Për këtë gjë është shprehur dhe zëvendësdrejtori i përgjithshëm i klubit Juventin, Roberto Bettega i cili ka kërkuar nga tifozët e tij që të japin mbështetje skuadrës gjatë kësaj periudhe negative që ata po kalojnë.
Kjo situatë e vështirë që është krijuar në ambientet e klubit Juventin duket se nuk ka të mbaruar pasi ky rebelim i tifozëve pritet të sjellë ditë të vështira për teknikun e drejtuesit e klubit.
r.b/NOA
