Vdekja e Panos, MTKRS: Humbje e legjendës së papërsëritshme

Tiranë, 20 Janar NOA - Ministri i Turizmit, Kulturës, Rinisë dhe Sporteve Ferdinand Xhaferraj u shpreh sot se me hidherim të madh i dergoi familjes Pano ngushellimet më të thella për humbjen e njeriut te tyre me te dashur "Nderit të Kombit"; Legjendës së madhe të papërsëritshme të futbollit shqiptar Panajot Pano dhe shprehu besimin se emri dhe kontributi i tij do të mbetet i gjallë në kujtimet e njerëzve.

Ikona e futbollit shqiptar, lindur në Durrës më 7 mars të vitit 1939 Panajot Pano, ka ndërruar jetë në SHBA në moshën 71-vjeçare. Ndarja e tij nga jeta është një humbje e madhe për familjen, për komunitetin e sportistëve shqiptarë si dhe për vetë shoqërinë tonë.

Panajot Pano gjatë karrierës së tij 18- vjeçare si futbollist ka luajtur dhjetëra ndeshje me Kombëtaren e Shqipërisë, duke mrekulluar me mjeshtërinë e tij miliona sportdashës. Ai i dha emër në botë futbollit shqiptar dhe ka frymëzuar brezat e mëpasëm për rezultate të mëtejshme.

Në ceremoninë e zhvilluar në vitin 2003, Panajot Pano mori çmimin "Golden Player of Albania" nga Federata Shqiptare e Futbollit.

Ndërsa në mars të 2009 ai u nderua me titullin "Nderi i Kombit" nga Presidenti i Republikës.

Vdekja e Panajot Panos konsiderohet një humbje e madhe për sportin shqiptar, por vepra dhe lavdia e tij do t'i frymëzojnë brezat e sotëm e të ardhshëm të sportistëve për t'i sjellë Shqipërisë suksesin e merituar.

Ngushëllimet u shprehën sot edhe nga:

Armand Duka - President i FSHF

Mico Papadhopuli - President Nderi i FSHF

Mikel Janku - Ish futbollist Partizani

Fatbardh Deliadhisi - ish futbollist i Partizanit

Tomorr Shehu - ish futbollist i Partizanit

Lind Shllaku - ish futbollist i Partizanit

Nuri Bylyku - ish futbollist i 17 Nentorit

Ali Mema - ish futbollist i 17 Nentorit

Fatmir Frasheri - ish futbollist i 17 Nentorit

Faruk Sejdini - ish futbollist i Dinamos

Gani Xhafa - ish futbollist i Dinamos