Borgo San Lorenzo, - Firence 22 Janar NOA - Një emigrant shqiptar akuzohet se ka ekzekutuar me armë të ftohtë një adoleshent italian të cilit i ka marrë jetën me thikë ne zemër dhe është arrestuar duke iu fiksuar dhe data e nisjes së procesit gjyqësor.
Korrespondenti i agjencisë NOA informon se shqiptari 21 vjeçar Fation Dine do të gjykohet në ditët në vazhdim pasi është i dyshuari i vetëm se ka vrarë një shtetas italian 18-vjeçar, me emrin Leonardo Rusciano, duke e goditur atë me një thikë.
Gjithçka ka ndodhur më 21 gusht 2009, në Borgo San Lorenzo ku ka qenë një grindje e cila ka filluar midis shqiptarit dhe dy shtetasve italianë.
Por më pas 21 - vjeçari Dine i ka sulmuar me një thikë duke e goditur në zemër viktimën 18 vjeçar Leonardo Rusciano dhe shokun e tij e la të plagosur në krahë.
Në fillim Dine u arrestua nga policia me akuzën e tentimit për vrasje por më pas kur u pa se Leonardo Rusciano i cili ndodhej në spital u nda nga jeta, akuza për të ndryshoi dhe u bë vrasje e dhunshme me qëllim.
Kjo gjë ndryshoi dhe në drejtim të italianit tjetër ku shqiptari u akuzua për tentim për vrasje ndaj policia tha se u vendos masa e arrestit në burg.
Akuza tepër të rënda këto në drejtim të Fationit i cili për këtë gjë do të gjykohet dhe tashmë është vendosur dhe data e seancës së parë e cila do të jetë më 23 shkurt 2010.
Vendimin e konfirmoi pasditen e së enjtes, gjyqtarja e Tribunalit të Firences, Maria Grazia Riccucci.
r.b/NOA
