Trieste, 24 Janar NOA - Çdo gjë niste me një justifikim për të ndaluar një autoveturë të rastit në autostradë e më pas banda me origjinë shqiptaro - kosovare arrinte t'i merrte viktimave objekte me vlerë, para dhe në disa raste dhe autoveturën e tyre.
Ka zgjatur deri në ditën e sotme kjo veprimtari e jashtëligjshme e autorëve pasi ata janë arrestuar nga policia e Triestes ku bëhej fjalë për rreth 13 persona të gjithë me origjinë nga Shqipëria e Kosova.
Ata gjenin një justifikim banal ku kërkonin një informacion ose hiqeshin sikur goma e autoveturës së tyre ishte e shpuar dhe kërkonin ndihmë nga autoveturat e tjera të cilat kalonin pranë tyre.
Menjëherë viktimat bëheshin pre e kësaj bande e cila më pas plaçkiste çdo gjë me vlerë që ndodhej.
Pas arrestimit që u bë nga karabinierët vendas të Triestes në një kontroll që iu bë u gjendën bizhuteri ari të cilat kishin një vlerë prej 100 mijë eurosh, një sasi prej 20 mijë eurosh dhe tre autovetura të cilat dyshohet se i kanë vjedhur gjatë veprimtarisë së tyre të jashtëligjshme.
r.b/NOA
