Përmet, 29 janar, NOA - Forcat e policisë së Përmetit kanë mundur të kapin në flagrancë një person i cili dyshohet se ka vjedhur me thyerje një dyqan celularësh. Lajmi i konfirmuar zyrtarisht për agjencinë e Lajmeve NOA, saktëson se i ndaluari quhet Artan Teka, 30-vjeç, lindur dhe banues në fshatin Brezhdan të Përmetit. Kapja dhe ndalimi i i tij u bë pasi para tre ditësh në qytetin e Këlcyrës gjatë orëve të natës është vjedhur me thyerje, duke hapur çatinë dhe shqyer tavanin, dyqani i celularëve në pronësi të personit me iniciale D.R, nduke vjedhur 8 aparate telefona celularë, 40 karta rimbushëse të kompanive celulare Vodafon dhe AMC, 5 karta Smart dhe 7 karta abonimi të Digitalb.
Nga informacionet e marra në rrugë u bë e mundur zbardhja e kësaj ngjarje duke siguruar provat ligjore se autori i vjedhjes së këtij dyqani ishte personi i lartpërmendur.
Për këtë, ai u shpall në kërkim nga ana e policisë dhe u mundësua kapja e tij ndërsa ishte fshehur në një banesë tjetër në fshat tek një i afërm i tij.
Në përfundim të veprimeve të para proceduriale materialet i kaluan prokurorisë për veprime të mëtejshme mbi veprën penale të "Vjedhjes", parashikuar nga neni 134 i Kodit Penal.
n.e/NOA
