Tiranë, 29 janar, NOA Update - Marrëveshja me Greqinë do të ecë para pavarësisht refuzimit të saj nga Gjykata Kushtetuese. Një fakt të tillë e ka bërë më dijeni kryeministri Berisha gjatë një konference për shtyp, gjatë së cilës ka theksuar se gjithsesi vendimi i Gjykatës Kushtetuese nuk diskutohet. "Por ne do të shohim zbatimin e mëtejshëm të saj në përputhje me të gjitha konventat ndërkombëtare", tha më tej në fjalën e tij Berisha. Sipas tij, ligji i deteve është zbatuar me korrektesë nga ana e palës shqiptare lidhur me negocimin për këtë marrëveshje me palën greke.
"Por, të pëlqen ose jo, nuk diskutohet vendimi i Gjykatës. Marrëveshja me Greqinë do të ecë para", përfundoi Berisha reagimin e tij mbi çështjen e marrëveshjes së kufirit detar me vendin fqinj.
n.e/NOA
