Angola, 1 shkurt, NOA - Ekipi i kombëtares së Egjiptit ka mundur të fitojë Kampionatin e Futbollit Afrikan 2010, i cili u mbajt gjatë këtyre dy javëve të fundit në Angola. Egjipti mori Kupën e Afrikës në futboll duke mundur në finale me rezultatin 1-0 kombëtaren e Ganës me golin e vetëm të shënuar nga futbollisti rezervë Mohamed Gedo në minutën e '85-të të ndeshjes.
Në këtë mënyrë, ekipi i kombëtares së Egjiptit ka arritur të sigurojë titullin e tretë të njëpasnjëshëm mbi garën e madhe të futbollit afrikan.
Egjipti duket se ka qenë i suksesshëm gjatë gjithë kampionatit, po të kemi parasysh që edhe në gjysëmfinale me ekipin e Algjerisë, ai arriti të marrë plot 4 gola.
Duhet përmendur se deri në fund të ndeshjes u përjashtuan tre lojtarë të Algjerisë, Rafik Halliche, Nadir Belhadj dhe portieri Fauzi Chaouchi dhe kjo duket se ia ka bërë më të lehtë ekipit egjiptian, kalimin në finalen e Kampionatit të Futbollit Afrikan 2010.
n.e/NOA
