Moskë, 6 shkurt, NOA - Nëse Serbia pranon të hyjë në NATO, atëherë edhe Rusia do ta rishqyrtojë qëndrimin e saj ndaj pavarësisë së Kosovës. Me këtë "kërcënim" diplomatik, përfaqësuesi i përhershëm rus në Aleancën Veriatlantike, Dmitrij Rogozin ka paralajëmruar Serbinë për hapat e mundshme në kuadrin e një anëtarësimi të saj të ardhshëm në strukturat e Bashkimit Evropian.
"Kosovën nuk e kanë njohur të gjitha vendet anëtare të NATO-s. Siç dihet, këto janë Spanja, Rumania, Greqia dhe Sllovakia. Por,edhe sipas të drejtës ndërkombëtare, edhe sipas statutit të NATO-s, një situatë tillë është barrierë për hyrjen e Serbisë në Aleancë. Pasi qëndrimi i shumicës së vendeve të NATO-s nuk do të ndryshojë, kjo do të thotë se Aleanca mund ta pranojë Serbinë në radhët e veta por vetëm me kufij të rinj, pa Kosovën", ka thënë përfaqësuesi rus lidhur me një fakt të tillë.
Duke shtuar se me pranimin e Serbisë në NATO "Rusia nuk do të ketë argumente të jetë serbe më e madhe se vetë ajo".
n.e/NOA
