Bruksel, 7 shkurt, NOA - Sekretari i Përgjithshëm i NATO-s ka bërë thirrje që Aleanca të shtojë kontaktet lidhur me çështje te sigurisë globale me vende si Kina, India, Pakistani. Rasmusen tha se NATO-ja nuk mund të përmbushë detyrat pa u përfshirë në dialog aktiv e sistematik me lojtarë të tjerë të rëndësishëm të skenës ndërkombëtare.
Kreu i NATO-s shtoi se Aleanca ka qenë në gjendje të përballet me kryengritësit në Afganistan vetëm në bashkëpunim me lojtarë të tjerë si Kina, India e Rusia, që kanë interesa në rajon. Anders Fog Rasmusen i bëri këto komente gjatë konferencës ndërkombëtare të sigurisë në Mynih.
/rfe/
