Tiranë, 9 Shkurt NOA - Kryeministri Sali Berisha niset të enjten në Itali për një vizitë dyditore ku do të ketë takime me zyrtarë të lartë të shtetit fqinjë, bëjnë të ditur për agjencinë NOA, burime zyrtare nga qeveria.
Konfirmohet se të Enjten, Berisha do të jetë i pranishëm në një konferencë ndërkombëtare që organizon Ministria e Ekonomisë së Italisë në Verona, si i ftuar nderi.
Bashkë me Berishën mësohet se do të jetë dhe ministri ynë i Ekonomisë, Dritan Prifti.
Të nesërmen, (diten e Premte), Berisha do të udhëtojë në drejtim të kryeqytetit Romë, ku do të ketë një vizitë zyrtare dhe takim me kryeministrin italian, Silvio Berluskoni.
Pas takimit, do të ketë një konferencë të përbashkët për shtyp.
Burimet e mësipërme, bënë të ditur se Berisha dhe Berluskoni do të nënshkruajnë një marrëveshje për bashkëpunim strategjik, por nuk dhanë hollësi të mëtejshme.
e.r/NOA
