Fier, 9 shkurt, NOA - Vjedhja e tubit të kullës së vrojtimit të pusit G 152, në fshatin Ruzhdie, ka vënë në lëvizje forcat e policisë së rrethit të Fierit, ku kanë bërë të mundur dje ndalimin e 27-vjeçarit.
Edmond Myrtaj, banor i fshatit Ruzhdie, në bashkëpunim me kushëririn e tij Xh.Myrtaj,dyshohen se kanë qenë autorë të vjedhjes së tubit të kullës së vrojtimit e cila ka ndodhur në datën 13 prill 2008.
Burimet policore bëjnë me dije për agjencinë NOA, se është bërë një punë intensive nga strukturat e Drejtorisë Policisë së Qarkut Fier, për kapjen 27-vjeçarit, ku për të rëndon akuza për veprën penale të "vjedhjes", dhe për bashkëpunim dhe moskallëzim të krimit.
Policia tha se materialet proçeduriale do t'i kalojnë për veprime të mëtejshme Prokurorisë Rrethit Gjyqësor Fier.
d.xh.NOA
