Milano, 12 Shkurt NOA - Me sa duket edhe Inter është hedhur në mendime për të ardhmen e skuadrës së saj, ku objektivi i tyre është lojtari i Napolit, Marek Hamsik.
Për këtë gjë është shprehur dhe Orilai një ndër drejtuesit e skuadrës së Interit i cili nuk e ka mohuar interesin e klubit zikaltër për këtë lojtar.
"Hamsik është një lojtar me shumë kualitete dhe do të bënte punë në ekipin tonë", - deklaroi Oriali duke dhënë pëlqimin e tij për këtë lojtar.
Ai gjithashtu shtoi se për momentin nuk ka patur asnjë kontakt me klubin e Napolit për lojtarin, por me sa duket Inter do të bëjë të pamundurën për të marrë shërbimet e tij në merkaton e verës.
Krahas Interit janë dhe shumë klube të tjera të cilat kanë shfaqur mjaft interes për Hamsik ku mbi të gjitha Juventus dhe për Interin marrja e lojtarit sllovak nuk do të jetë diçka e thjeshtë duke parë që dhe vlera e tij është e lartë.
r.b/NOA
