Belsh, 13 shkurt, NOA - E kanë marrë peng dhe pasi e kanë rrahur e kanë hedhur në liqen. Ngjarja e ndodhur në Belsh konfirmohet nga policia e Elbasanit. Sipas saj, 31-vjeçari Demir Lala, është marrë peng dhe është keqtrajtuar nga dy vëllezër në fshatin Kajan të Belshit. Por odiseja e pengmarrjes nuk ka përfunduar vetëm me dhunimin fizik.
I rrëmbyeri nga dy vëllezërit, Arben dhe Bukurosh Kuqja më pas është hedhur në ujërat e një prej liqeneve të zonës.
Policia e Elbasanit bëri të ditur sot se arrestimin e dy vëllezërve Arben dhe Bukurosh Kuqja, mbi të cilët rëndon akuza e për pengmarrjen dhe keqtrajtimin e shtetasit Demir Lala.
Aktualisht viktima ndodhet në gjendje të rëndë shëndetësore në spitalin e Elbasanit, ku po merr dhe ndihmë mjekësor.
Megjithatë, policia e Elbasanit ende nuk ka bërë të ditura arsye e pengmarrjes dhe keqtrajtimit të Demir Lalës.
xh/NOA
