Tiranë, 13 shkurt, NOA - Ekipi i Vllaznisë ka mundur të fitojë me rezultatin 3-2 ndaj ekipit të Skënderbeut në stadiumin "Loro Boriçi", në një ndeshje të zhvilluar në kuadrin e javës 21 të Kategorisë Superiore. Ka qenë ish-sulmuesi i Tiranës, Enco Malindi, i cili shënoi golin e parë për korçarët e Skënderbeut, por Vllaznia ka shënuar vetëm një minutë më pas me anë të mesfushorit Amarildo Belisha.
Më pas, ka qenë sulmuesi boshnjak Sead Haxhibuliç i cili realizoi penalltinë e parë të Vllaznisë për këtë sezon, për t'u pasuar me një gol të Skënderbeurt, shënuar nga Klevis Roshi.
Në fund, fitoren e shkodranëve e vulosi Ndriçim Shtubina me golin e tij në minutën e 62-të.
n.e/NOA
