Tiranë, 16 shkurt, NOA - Komisioni i Ligjeve miratoi sot shpalljen e 20 shkurtit si Dita e Kujtesës për krimet e komunizmit në Shqipëri. Vendimi i marrë në mënyrë unanime parashikon që kjo ditë të kthehet në një ceremoni zyrtare në përkujtim të viktimave.
Gjithashtu, kjo iniciativë parashikon dhe ngritjen e një obelisku dhe një muzeu për krimet e komunizmit. Deputeti, Gent Strazimit u shpreh se edhe data e 29 nëntorit mund të ishte një ditë për të përkujtuar këtë simbol. Sipas tij, "29 nëntori është një datë që mund ti bashkonte shqiptarët dhe jo ti ndante".
Caktimi i datës për të përkujtuar krimet e komunizmit ka hapur dhe një debat mes vet mazhorancës. Propozimi i datës 29 nëntor është kundërshtuar nga Lëvizja Socialiste për Integrim, duke argumentuar se kjo datë cenon ndjeshmërinë historike të njerëzve që kanë marrë pjesë në luftën Nacional Çlirimtre.
xh/NOA
