Itali, 16 Shkurt NOA - "Janë Meklaren Mercedez dhe Red Bull dy skuderitë të cilat Ferrari duhet ti ketë kujdes, edhe pse nuk mund të zgjedhësh asnjë në veçanti", - ky ka qenë dhe parashikimi i Alonsos për sa i përket skuadrave rivale të skuderisë së tij Ferrari në kampionatin e ardhshëm të Formula 1.
Këtë deklaratë spanjolli e dha për mediat italiane, ku krahas saj shtoi se në momentin që ai kishte ardhur tek Ferrari kishte menduar vetëm për babain e tij, pasi ai i kishte thënë se gjithmonë do ta mbante mend fitoret që do të arrinte të realizonte pikërisht tek kjo skuderi.
Një ndër skuadrat të cilën Alonso e cilësonte si një ndër më të rrezikshmet ishte ajo e Red Bull dhe pikërisht piloti i saj, Sebastian Vettel doli fitues në garën e sotme dhe u shpreh mjaft entuziast për këtë rikthim të tij, pas tre muajsh, si fitimtar.
r.b/NOA
