Tiranë, 17 shkurt, NOA - Eshtë grabitur me armë në mes të ditës një filial banke në qendër të Tiranës nga persona me maska.
Lajmi i konfirmuar nga burime të policisë së Tiranës për agjencinë e Lajmeve NOA, sqaron se bëhet fjalë për filialin e Bankës Kombëtare Tregtare (BKT) në rrugën "Myslym Shyri" në kryeqytet.
Ngjarja nuk ka shumë që ka ndodhur dhe bëhet me dijeni paraprakisht se persona të armatosur me maska janë futur në bankë dhe pasi kanë kërcënuar punonjësit kanë mundur të grabisin një sasi parash, duke u larguar më pas me shpejtësi.
Ende nuk dihet shuma e grabitur e parave, por policia sapo ka mbërritur në vendngjarje dhe ka nisur hetimet për të zbardhur rrethanat e ngjarjes, e cila i ka çuditur të gjithë, por më shumë kalimtarët dhe personat e pranishëm në vendngjarje.
Tashmë janë duke u marrë në pyetje punonjësit e bankës ... (vijon).
n.e/NOA
