Itali, 17 Shkurt NOA - Krahas sfidës në të cilën po ballafaqohen në Champions League ekipet e Milanit dhe të Manchester United janë në një "sfidë" dhe në merkaro. Me sa duket Milani i ka bërë një ofertë tepër interesante ekipin të Sir Alex Ferguson ku ata i kanë ofruar United sulmuesin e tyre holandez Klass Ian Huntelaar, në këmbim të mbrojtësit Nemaja Vidiç.
Lojtari i Milanit ka patur gjithmonë pëlqimin e trajnerit të Manchester United dhe e ka kërkuar atë në sezonet e shkuara të merkatos, por ishte Milani që arriti ta marrë atë nga ekipi i Realit të Madridit.
Ndërsa për sa i përket Milanit, drejtuesit e skuadrës janë hedhur në merkato për një mbrojtës dhe do të ishte një shkëmbim mjaft i pëlqyer nga kuq e zinjtë e Leonardos pasi Vidiç është një mbrojtës mjaft i fizikshëm dhe do të plotësonte ato dobësi të mbrojtjes milaneze, kujtojmë këtu largimin e sigurt të Kaladzes në fund të sezonit dhe dëmtimet që po ndjekin Thiago Silvën. Vidiç tashmë ndodhet jashtë formacionit të parë të ekipit të United dhe kjo është një ndër arsyet që kjo tratativë mund të përfundojë me sukses pasi do të plotësonte njëkohësisht dëshirat e të dy ekipeve respektive.
r.b/NOA
