Tepelenë, 17 shkurt, NOA - Aksi rrugor Tepelenë-Memaliaj, është bllokuar sot nga rrëshqitjet e shumta të dheut që kanë ndodhur pas shirave të shumtë të rënë gjatë ditëve të fundit. Lajmi konfirmohet nga korrespondenti i agjencisë së Lajmeve NOA, sipas të cilit reshjet kanë shkaktuar lëvizje të mëdha të masive të dheut, duke shkaktuar probleme në rrugë. Ai shton se rrëshqitja ndodhi në orët e para të mëngjesit të sotëm, ndërsa në vendngjarje kanë mbërritur fadroma, të cilat po punojnë për hapjen rrugës dhe normalizimin e situatës.
Gjatë ditës së sotme, qarkullimi në aksin e sipërpërmendur është vështirësuar ndjeshëm për shkak të bllokimit të pjesëve të kësaj rruge. Për pasojë, automjetet mund të lëvizin vetëm në një kalim, duke vështirësuar ndjeshëm qarkullimin.
n.e/NOA
