Tiranë, 17 shkurt, NOA - Faraoni më i famshëm dhe më i njohur Egjiptian nuk ka vdekur nga ndonjë komplot apo gjë tjetër, si ishte menduar deri më tani, por thjesht nga malaria. Ky lajm është konfirmuar nga studiuesit perëndimorë, që kanë bërë një shqyrtim të fundit të mumies së tij.
Tutankhamun, si njihet nga literatura, ka qenë një faraon egjiptian i Dinastisë së 18-të që ka sunduar nga 1333 para Krishtit deri më 1324 para Krishtit gjatë historisë egjiptiane. Emri i tij do të thotë "Imazhi i gjallë i Aten". Emri i tij shkruhesh Amen-tut-ankh, duke zëvendësuar emrin e tij të vërtetë.
Varri i tij u zbulua më 1922 nga Howard Carter dhe u përcoll shumë në botë. Ekspozita me artefaktet e tij është përcjellë në të gjithë kohërat me shumë interes. Maska e vdekjes së tij është një vepër e vërtetë arti dhe një simbol popullor. Më shkurt të vitit 2010 rezultati i ADN-së konfirmoi se ai ishte i biri i Akhenaten dhe gruas së tij, që ishte njëkohësisht dhe motra e tij.
Milena Selimi/NOA
