Kolumbia, 18 shkurt, NOA - Optimizmi përveçse të bën të jetosh një jetë të lumtur, bën që ajo të jetë edhe më e gjatë. Një fakt i tillë pohohet në një studim të fundit të realizuar nga Universiteti i Kolumbias, sipas të cilit personat e lumtur në jetë kanë më pak rrezik për të shfaqur sëmundje kardiovaskulare, në krahasim me ata që jetojnë në trishtim dhe depresion.
Sipas ekspertëve, shtimi i emocioneve pozitive mund të reduktojë rrezikun për shfaqjen e problemeve kardiake.
Studimi në fjalë ka zgjatur për një periudhë kohore 10-vjeçare dhe ka ndjekur 1.739 burra dhe gra që merrnin pjesë në një kërkim mbi shëndetin në Kanada.
Personeli ka matur rrezikun e sëmundjeve kardiake të pjesëmarrësve dhe emocionet negative tek ta si depresioni, dëshpërimi e ankthi, përveç emocioneve pozitive si gëzimi, lumturia, eksitimi, entuziazmi apo kënaqësia.
Në fund të hulumtimit, u vu re se si pjesëmarrësit pa ndenja pozitive shfaqnin një rrezik më të lartë prej 22% për infarkt, sesa të tjerët.
n.e/NOA
