Tiranë, 19 shkurt, NOA - "Nëse kryeministri Sali Berisha nuk do të pranojë plotësimin e kërkesës së PS-së për hapjen e kutive, opozita do të organizojë protesta duke ia lënë të drejtën popullit të vendosë".
Ky është qëndrimi që ka mbajtur sot kryetari i selisë rozë, Edi Rama, në lidhje me situatën politike. Në një konferencë për shtyp me gazetarët, Rama theksoi se e drejta e PS-së për të bërë transparencë nuk mund të tjetërsohet.
"Nëse dialogu zvarritet në mënyrë të qëllimte pafundësisht, atëherë ne do i drejtohemi popullit të marrë të drejtën për të zbatuar Kushtetutën", është shprehu Rama.
Ai ka theksuar se deklarata e Presidentit të Asamblesë, Joao Soares, ka qenë në favor të PS-së për një hetim të plotë dhe transparentë.
Ndër të tjera, kreu i PS-së ka lexuar dhe vendimin e Gjykatës Kushtuese, ku sipas tij i jepet e drejtë opozitës të kërkojë hetim të hollësishëm për hapjen e kutive.
Pyetjes se përse PS-ja nuk e ndjek në rrugë ligjore procesin, Rama i është përgjigjur se Gjykata Kushtetuese e ka dhënë më parë një vendim për këtë çështje.
Ai gjithashtu ka theksuar se dialogu i nisur me PD-në nuk mund të zvarritet pafundimësisht, duke u shprehur se mazhoranca nuk ka reflektuar ende për kërkesat e opozitës.
Kreu i PS-së ka përsëritur dhe një herë qëndrimin në lidhje me mandatet e deputetëve të PS-së. Sipas tij 6 marsi është "një datë e zakonshme, mandatet nuk digjen" .
m.xh/NOA
