Bogota, Kolumbi, 20 Shkurt NOA - Një grua 45 vjeçare pasi ishte deklaruar e vdekur nga mjekët papritur është rikthyer në jetë. Gjithçka ka ndodhur në Cali në shtetin Kolumbian ku gruaja kishte pësuar një infarkt ditën e hënë dhe po mbahej në jetë falë aparaturave mjekësore deri në momentin kur rrahjet e zemrës së saj pushuan dhe për mjekët ajo ishte ndarë nga jeta.
Ky është një rast mjaft i rrallë dhe flitet se bëhet fjalë për "Sindromën e Lazzaro" e cila do të thotë se rrahjet kardiake dhe frymëmarrja ulen aq shumë sa që aparaturat nuk janë në gjendje të masin dot këtë gjë, por në një moment të caktuar ato ngrihen në normalitet ku kjo gjë që bëri të mundur rikthimin në jetë të gruas 45 vjeçare.
r.b/NOA
