Tiranë, 20 shkurt, NOA - Ministria e Financave tashmë ka përfunduar procesin e vlerësimit të bankave të cilat do të udhëheqin transaksionin e emëtimit të Eurobondit të parë shqiptar në tregun ndërkombëtar të kapitaleve. Në fund të këtij procesi, ajo ka mandatuar si bashkëdrejtues (Joint Lead-Managers) JP Morgan dhe Deutsche Bank, dy insitucione financiare me reputacion superior në arenën ndërkombëtare për performancën e tyre të pakrahasueshme në udhëheqjen me sukses të një numri të lartë transaksionesh eurobondesh në tregjet e kapitalit.
Ministria gjithashtu i ka kërkuar Raffeissen Bank të suportojë transaksionin në rolin e mbështetësit (Co-Lead Manager).
Nëpërmjet këtij instrumenti, Shqipëria do të vendoset në hartën e tregjeve ndërkombtare të kapitalit.
Eurobondi ynë do të tregtohet rregullisht në këto tregje dhe do të shërbejë si një indikator agregat ndër vite i profilit investues dhe i performancës së ekonomisë sonë.
n.e/NOA
