Tiranë, 20 shkurt, NOA - Dita e sotme përkon me 19-vjetorin e aktit të rrëzimit të bustit të ish-diktatorit Enver Hoxha nga qendra e kryeqytetit shqiptar. Më 20 shkurt 1991, turma të mëdha njerëzish do të vërshonin në zemër të Tiranës, për të rrëzuar simbolin e diktaturës si monument i saj. Statuja 7 metër e lartë prej bronzi ra, duke i dhënë kështu goditjen e fundit diktaturës komuniste dhe hapjen rrugë erës së ndryshimeve demokratike në vendin tonë.
Ndërkaq, studentët në Qytetin Studenti, ishin në grevë kundër qeverisjes komuniste, e cila ishte në grahmat e fundit.
Aktualisht, kjo ditë është kërkuar nga grupime të shumta, që të caktohet si dita kombëtare e viktimave të komunizmit.
n.e/NOA
