SH.B.A, 21 Shkurt NOA - Ka qenë shfaqja e parë e Tiger Woods në televizionet publike pas skandalit që e kishte përfshirë atë në jetën private.
Ai është paraqitur tepër i prekur dhe ka folur ndër lot duke i kërkuar falje të gjithëve për atë çka ndodhi me numrin një të golfit kohët e fundit. Gjithashtu ai theksoi se nuk do të përsërisë më gabimet e tij të së shkuarës dhe kërkon të fitojë respektin e gruas së tij.
"Dua të rikthehem në sportin tim si protagonist, por nuk mund të them i sigurt se kur do të ndodhë kjo", - deklaroi Tiger duke shprehur dëshirën e tij për tu rikthyer në sportin e golfit.
Në këtë deklaratë të dhënë nga numri i një i golfit, 34 vjeçari nuk ka mohuar mundësinë e tij të rikthimit pikërisht këtë vit.
Pavarësisht nga deklaratat e Tiger gjendja e tij mbetet ende e tensionuar dhe sipas shtypi në SH.B.A rikthimi i tij në sportin e golfit mendohet të ketë një kohë më të gjatë.
r.b/NOA
