Bruksel, 22 shkurt, NOA - Vrasjet e kryera nga njerëzit e shërbimit sekret izraelite, me identitet të maskuar si qytetar të vendeve të Bashkimit Europian, janë vlerësuar si mjaft negative nga BE-ja.
Ministrat e jashtëm të Bashkimit Evropian në takimin e sotëm kanë dënuar përdorimin e dokumenteve të falsifikuara të qytetarëve të Unionit në vrasjen e militantit të Hamasit, Mahmud al-Mabuh në Dubai janarin e kaluar.
Në deklaratën e tyre thuhet se, BE-ja"dënon ashpër përdorimin e pasaportave të falsifikuara evropiane dhe kartave të kreditit, përmes vjedhjes së identitetit të qytetarëve evropianë, për anëtarët e skuadrës së përfshirë në vrasje", thuhet në deklaratën e Brukselit zyrtar.
Deklarata nuk e përmend drejtpërdrejt Izraelin, por dyshohet se agjencia izraelite e zbulimit, Mosad, fshihet pas vrasjes së Al-Mabuhit Mosadi është akuzuar për fallsifikim të pasaportave britanike, irlandeze, franceze dhe gjermane, në mënyrë që vrasësit të hynin në Dubai me identitete të rreme.
NOA/EL
