Shkodër, 22 shkurt, NOA - Në zonën e rrethit të Shkodrës kanë rinisur përmbytjet e mëdha si shkak i reshjeve të ditëve të fundit dhe shkarkimeve nga ujërave që kanë nisur të kryhen sërish nga kaskadat e hidrocentraleve të Komanit dhe Vaut të Dejës. Kjo ka bërë që rruga nacionale e cila lidh fshatin Obot me zonat e tjera të bllokohet dhe tek banorët të rikthehet sërish frika e përmbytjeve dhe evakuimeve.
Në këtë rrugë banorët kanë lëvizur vetëm me automjete të tonazheve të rënda apo edhe me varkë, ashtu si edhe pak javë më parë gjatë muajit janar kur në këtë zonë u shpall gjendja e emergjencës prej qeverisë.
n.e/NOA
