Tiranë, 24 shkurt, NOA - Këshilli i Ministrave në mbledhjen e tij të sotme ka miratuar në parim marrëveshjen e huasë me Bankën Europiane për Rindërtim dhe Zhvillim (BERZH) për financimin e projektit të rrugëve rajonale dhe lokale. E propozuar nga ministri i Punëve Publike dhe Transportit ajo parashikon marrjen e një huaje prej 50 milionë eurosh për një sërë projektesh të rrugëve në vend.
"Autorizohet Ministria e Financave, që nëpërmjet marrëveshjes së transferimit, të transferojë fondet e huasë te Fondi Shqiptar i Zhvillimit, si agjencia zbatuese e projektit", përcakton më tej vendimi në fjalë.
n.e/NOA
