Torino, 24 Shkurt NOA - Trajneri i Juventus Alberto Zakeroni është shprehur mjaft optimist për sa i përket ndeshjes e cila e pret ekipin e tij në Europa League me Ajaksin.
Në ndeshjen e parë Juventus ka arritur të marrë një rezultat tepër pozitiv duke arritur të fitojë në Holandë me rezultatin 2 me 1 dhe duke qenë kështu ekipi më i favorizuar për tu kualifikuaer më tej.
Zakeroni i ka kërkuar ekipit të tij që të kenë mjaft kujdes në ndeshjen e kthimit e cila do të luhet ditën e ejnte në mbrëmje.
Sipas teknikut bardhë e zi, Ajaksi është një ekip që zhvillon një lojë mjaft të bukur dhe ka një kolektiv lojtarësh që njihen mirë me njëri tjetrin, të cilët sulmojnë dhe mbrojnë njëkohësisht.
Për sa i përket ekipit të ti Zakeroni ka një armë më shumë pasi në radhët e ekipit të tij tashmë është kthyer Camoranesi i cili mund të aktivizohet në këtë sfidë që në minutën e parë. Ajo çka e shqetëson më shumë teknikun është gjendja e Buffon pasi ai është ankuar për një dëmtim në këmbën e tij të djathtë dhe Zakeroni shpreson që pas një kontrolli më të detajur të mos ketë diçka serioze për portierin e tij kryesor.
r.b/NOA
