Athinë, 25 shkurt, NOA - Athina zyrtare ka ngritur akuza direke ndaj Shkupit, i cili sipas saj, po bllokon zgjidhjen për kontestin 19-vjeçar mbi emrin e Maqedonisë. Një deklaratë e tillë është zgjedhur të bëhet prej shtetit grek, pikërisht një ditë para vizitës në këtë vend nga ndërmjetësuesi i Organizatës së Kombeve të Bashkuara, Metju Nimic. Ka qenë pikërisht zëdhënësi i ministrisë së Jashtme të Greqisë, Grigoris Delavekouras, i cili deklaroi se kryeministri i Maqedonisë, Nikolla Gruevski, nuk ka ofruar zgjidhje, edhe pse qeveria në Shkup është në pozitë të fortë për arritjen e marrëveshjes.
"Greqia ka thënë dhe ka treguar se dëshiron zgjidhje" të kontestit, tha Delavekouras, gjatë një konference për shtyp në Athinë.
Më tej, ai theksoi se Greqia është në favor të emrit të Maqedonisë, me përfshirjen e "përcaktuesit gjeografik".
n.e/NOA
