Pekin, 25 Shkurt NOA - Mediat shtetërore kineze raportuan se Partia Komuniste në pushtet ka publikuar një kod të etikës për ta frenuar korrupsionin në rritje. Shtypi kinez raportoi se udhëzimet përfshijnë rreth 52 praktika të ndaluara për zyrtarët, përfshirë pranimin e parave apo shpërblimeve tjera financiare në formë të dhuratave, si dhe shfrytëzimin e ndikimit të tyre për të përfituar familja, miqtë apo bashkëpunëtorët.
Zyrtarëve të partisë u është ndaluar të marrin pjesë në aktivitete fitimprurëse, raporton radio Evropa e Lirë. Partia i paralajmëron zyrtarët që do t'i shkelin rregullat se do të ndëshkohen rëndë dhe mund të përballen ma akuza kriminale.
