Milano, 28 Shkurt NOA - Tekniku i Interit portugezi Jose Mourinjo duket se është duke u përgatitur mjaft mirë për sfidën e ardhshme të Interit me Udinezen.
Ajo do të jetë një transfertë mjaft e vështirë për zikaltërit duke parë dhe disa mungesa të rëndësishme në skuadër kjo si pasojë e ndëshkimit me kartonë të kuq të mbrojtësve Samuel dhe Cordoba në ndeshjen e javës së shkuar me Sampdorian.
Kjo e shtunë për Interin vazhdon të jetë larg mediave dhe Mourinjo së bashku me presidentin e klubit Moratin ka bërë dy gjëra mjaft preçize për të dhënë një entuziazëm në brendësi të grupit.
E para gjë ishte se tekniku zikaltër në këtë seancë stërvitore i thirri të gjithë lojtarët e ekipit përfshirë këtu ata të cilët janë të skualifikuar dhe ata të cilët vuajnë një dëmtim. Në krahun tjetër presidenti Morati ka folur me vetë lojtarët e skuadrës duke i përgëzuar e dhënë atyre një moral më të lartë.
r.b/NOA
