Bruksel, 2 mars, NOA - Bashkimi Evropian pret nga Serbia që të zhvillojë marrëdhënie të mira fqinjësore me Kosovën. Kjo gjë është theksuar edhe në Raportin e progresit të vitit të kaluar që i është dorëzuar Beogradit zyrtar. Një fakt të tillë e ka bërë me dijeni drejtori për Zgjerim i BE-së për Ballkanin Perëndimor, Pierre Mirel. Sipas tij, një kusht i kësaj fqinjësie të mirë është pranimi që Serbia duhet t'u bëjë pikave doganore në Kosovë.
"Vetëm mund ta përsëris atë që është thënë vjet në raportin e tetorit që bënte fjalë për avancimin e bashkëpunimit, ku kemi konstatuar se raportet e mira fqinjësore janë ai përparim që duhet bërë", ka thënë Mirel gjatë një takimi me gazetarët në Beograd.
"Në mënyrë të veçantë në këtë raport kemi cekur dhe tash po e përsërisim, se duhet të pranohen pikat doganore në Kosovë", përfundoi ai.
n.e/NOA
