Helsinki, 3 Mars, NOA - Gjatë konferencës së përbashkët për shtyp me MPJ Meta, Ministri i Punëve të Jashtme të Finlandës Aleksandër Stubb midis të tjerave tha se Shqipëria është një histori suksesi.
Kurse z Meta përmendi faktin se para 20 vjetësh Shqipëria ishte totalisht e izoluar, dhe se tani ajo ka një perspektivë të qartë për anëtarësim në BE.
Në këtë pikë, z.Stubb ka dashur të rrëfejë një barcaletë, kur tha: "Nuk mund t'i rezistoj tundimit për t'ju treguar një anektodë".
Dhe me mirësjelljen dhe pranimin edhe të Metës, z.Stubb ka nisur të tregojë barcaletën: "Karl Bildt, kur ishte Kryeministër në 1991, mbaj mend që kur u pyet mbi anëtarësimin e mundshëm të Suedisë dhe Finlandës në NATO, Bildt u përgjigj: ‘Nuk e di por një gjë është e sigurt që anëtarësimi i Suedisë dhe Finlandës do të ndodhë para Shqipërisë. Dhe ja ku jemi sot pra, përkrah Shqipërisë, si anëtare e NATO-s", - përfundoi anekdotën e tij z.Stubb.
Siç dihet, ende dhe sot, Finlanda nuk është anëtare e NATO-s. Por ajo është pjesë e vendeve partnere të Aleancës Atlantike të Veriut (NATO).
e.r/NOA
