Torino, 3 Mars NOA - Juventus është gjithmonë në mendime për sa i përket të ardhmes së ekipit të saj dhe drejtuesit bardhë e zi janë hedhur në merkato për marrjen e shërbimeve të ndonjë sulmuesi.
Emri më i përfolur kohët e fundit është ai i Kevin Kuranyi ku lojtari aktualisht është në radhët e ekipit gjerman të Schalke 04. Kontrata e lojtarit skadon në fundin e këtij sezoni dhe Juventus tashmë ka patur kontakte me menaxherin e lojtarit pasi ata mund ta marrin atë me parametër zero dhe i kanë ofruar lojtarit një kontratë nga e cila ai mund të përfitojë rreth 3 milion euro në sezon. Nga kjo marrëveshje duket se bomberi 28 vjeçar verën e ardhshme do të kalojë në ekipin bardhë e zi të Juventus duke parë dhe që Trezeguet mund të largohet nga ky klub. r.b/NOA
