Angli, 4 Mars NOA - Janë luajtur ditën djeshme ndeshjet e fundit miqësore të ekipeve përfaqësuese para fillimit të botërorit Afrikë e Jugut 2010.
Një test mjaft të mirë kanë kaluar ekipet e Argjentinës dhe të Spanjës ku të dy ekipet kanë fituar në transfertë respektivisht me Gjermaninë dhe Francën.
Ekipi i Maradonës arriti të fitonte ndaj gjermanëve me rezultatin 1 me 0 falë golit të Higuain i cili shënoi në minutën e 45 të kësaj sfide.
Ndërsa në ndeshjen tjetër ishte ekipi i Spanjës i cili fitoi me rezultatin 2 me 0 ndaj Francës ku për to shënoi Villa në minutën e 20 dhe për të dyfishuar rezultatin mendoi Sergio Ramos.
Fitore e rëndësishme ishte dhe ajo e Anglisë e cila arriti të mundte ekipin e Egjiptit me rezultatin 3 me 1. Të parët që kaluan në avantazh ishin të ftuarit të cilët shënuan me anë të Zidan.
Më pas djemtë e Kapelos e kthyen rezultatin në favor, falë golave të shënuar nga Philips dhe një dopietë të Crouch.
Për sa i përket Italisë së Lipit ajo u ndal vetëm në një barazim pa gola me rezultatin 0 me 0 në ndeshjen me Kamerunin.
r.b/NOA
