Tiranë, 4 mars, NOA - Ministri i Energjetikës, Dritan Prifti ka raportuar në seancën e sotme plenare mbi gjendjen aktuale të sistemit energjetik në vendin tonë. Sipas tij, niveli i ujit në kaskadën e hidrocentralit të Fierzës ka arritur në 293.85 metra, kur niveli i lejuar është 296 metra. Ndërsa në lidhje me kaskadën e hidrocentralit të Komanit, ai raportoi se lartësia ka arritur në 171.81 metra, duke shënuar mjaft rritje vetëm në 24 orët e fundit. Ndërsa për Vaun e Dejës, ai tha se ka një lartësi prej 74.44 metrash, ku 76 metra është niveli maksimal.
Me të tilla shifra, ai la të kuptonte se vendi sërish është i goditur nga reshjet dhe edhe pse u ndërpre shkarkimi i ujërave nga këto kaskada, ai mund të kryhet sërish, pnëse do të vazhdojmë të kemi rritje të prurjeve të ujit brenda tyre.
n.e/NOA
