Spanjë, 5 Mars NOA - Piloti i Ferrarit, Fernando Alonso është tepër optimist përsa i përket sezonit të ardhshëm të Formula 1 dhe ndihet tepër i gatshëm për fillimin e tij.
"Një makinë të tillë nuk e kam ngarë asnjëherë dhe mendoj se kjo është më e mira nga të gjitha ato që kam provuar", - deklaroi Alonso duke elozhuar makinën e tij të Ferrarit.
Krahas saj, piloti spanjoll pohoi se objektivi i këtij viti është fitimi i titullit kampion dhe për të është një gjë shumë e rëndësishme të cilën ai kërkon ta realizojë me skuderinë e Ferrarit.
Alonso është përgatitur shumë për këtë sezon të ardhshëm të Formula 1 dhe ndihet mjaft optimist përsa i përket fitimit të titullit nga skuderia e tij, kjo duke parë dhe organikën e pilotëve të tjerë të Ferrarit ku sipas tij janë një ndër konkurentët më të fortë.
r.b/NOA
