Stokolm, 5 mars NOA - Rreth një mijë Romë, nga Maqedonia, Mali i Zi dhe Serbia kanë udhëtuar drejtë Suedisë, me shpresën për të fituar më shumë të mira materiale nga ky shtet.
Mediat suedeze kanë raportuar se vala e re e këtyre personave, që kanë zbarkuar në shtetin skandinav janë manipuluar nga agjenci të ndryshme turistike, pasi gjasat e tyre për azil janë tejet minimale.
Sipas të përditshmes suedeze "Svenska Dagbladet" autobusët me romë nga vendet e rajonit të Ballkanit që kanë arritur në Geteborg dhe Malme kanë detyruar Entin suedez të migracionit që të marrë masat e nevojshme.
Drejtori i Përgjithshëm i Entit të Migracionit, Dan Eliason ka deklaruar se gjasat e shtetasve të vendeve të lartëpërmendura për të qëndruar në Suedi janë pothuajse minimale. Të dhënat zyrtare bëjnë të ditur se popullata Rome e cila jeton në rajonit e Ballkanit Perëndimor është e diskriminuar dhe e lënë pas dore nga institucionet shtetërore.
NOA/INA
