Prishtinë, 8 mars, NOA - Edhe presidenti kosovar, Fatmir Sejdiu, njësoj si homologu i tij shqiptar Bamir Topi, ngushëlloi sot presidentin e Republikës së Turqisë, Abdullah Gyl, të cilit i shprehu keqardhjen e thellë për viktimat e tërmetit tragjik në provincën lindore Elazig. Në emër të popullit dhe të institucioneve të Republikës së Kosovës, ju shpreh ngushëllimet më të sinqerta për shuarjen tragjike të jetës së dhjetëra bashkëkombësve Tuaj, të cilët humbën jetën si pasojë e tërmetit tragjik në krahinën Elazig", thuhet në telegramin e presidentit Sejdiu.
"Lajmi për këtë tragjedi është përjetuar me pikëllim të thellë kudo në Republikën e Kosovë, prandaj, i nderuari President, Ju lus që ndjenjën e dhembjes sonë t'ua përcillni familjeve të viktimave dhe gjithë popullit turk", theksohet ndër të tjera në telegram. n.e/NOA
