Shkup, 8 mars, NOA - Mbërritja e planifikuar për sot pasdite e e kryeministrit belg Yl Leterme dhe delegacionit të lartë qeveritar në Maqedoni, është shtyrë për disa orë, për shkak të kushteve të këqija të kohës në Maqedoni. Avioni i delegacionit qeveritar belg, në mungesë të kushteve për aterim në aeroportin e Shkupit, është nisur në drejtim të Greqisë, ku siç bëhet e ditur është bërë ulja e përkohshme në aeroportin e Selanikut.
Lajmi është konfirmuar nga zëdhënësi i qeverisë në Shkup, Shefik Duraku për agjencinë e lajmeve INA. Siç bëhet e ditur kryeministri belg Leterme pritet që sonte të mbërrijë në Shkup apo gjatë ditës së nesërme, duke realizuar agjendën e planifikuar me kryeministrin Nikolla Gruevski dhe presidentin Gjorgje Ivanov.Vizita e kryeministrit Leterme do të bëhet me krerët shtetëror të Maqedonisë, pas fluksit të madh të shtetasve të Maqedonisë, kryesisht shqiptarë të Kumanovës e Likovës, në kërkim të azilit në Belgjikë. Ndërkohë, në kuadër të kësaj vizite, Ministri për azil i Belgjikës Melkior Vatle pritet që nesër të zhvillojë një vizitë në komunën e Likovës dhe Kumanovë, për të parë gjendjen nga afër në këto zona, banorët e së cilave ishin azilkërkues në Belgjikë.
NOA-INA
