Durrës, 9 Mars - Detyra e Inspektorit të Shërbimit në Stacionin Hekurudhor Sukth Durrës, e detyronte një 54-vjeçar nga Shijaku, që rrogën e përmuajshme ta meritonte pikërisht duke ruajtur pronën shtetërore por kjo nuk ka qenë punë e tij, aq sa ka parë të plaçkitej hekurudha dhe ka vazhduar "punën" sikur asgjë s'kishte ndodhur.
Ngjarja ka ndodhur në orën 00.15 të ditës së sotme në Stacionin Hekurudhor Sukth. Policia tha se 54-vjeçari Sulejman Kërtalli, lindur e banues ne Shijak.
Pasi ka përcjellë në stacion trenin e mallrave të ngarkuar me skrap, ka konstatuar në tokë një sasi të konsiderueshme hekuri skrap të vjedhur nga vagonët që kap vlerën e 150 mijë lekëve.
Për këtë vjedhje si dhe për autorët e saj, Kërtalli nuk ka bërë kallëzim penal në Polici dhe as që ka njoftuar Drejtorinë e Hekurudhave.
Por ngjarja është zbuluar dhe policia nisi një hetim që solli prangosjen e tij, kurse materialet procedurale për veprat penale të vjedhjes së mbetur në tentativë e moskallëzimit të krimit iu kaluan për ndjekje Prokurorisë së Rrethit Durrës.
a.a/e.l/NOA
