Elbasan, 11 mars, NOA - Kryeministri Sali Berisha ka prezantuar sot në qytetin e Elbasanit projektin teknik të aksit të rëndësishëm rrugor Tiranë-Elbasan, ndërtimi i së cilës përbën një nga premtimet kryesore infrastrukturore të qeverisë që ai drejton. Bëhet me dijeni se kryeministri ndërsa prezantoi projektin fitues nga tre të tillë që ishin në garë, theksoi se kjo rrugë do të realizohet me katër korsi dhe do të jetë me tunel.
"Kostoja e kësaj rruge është tre herë më e lartë se alternativat e tjera, ndërkohë që është distanca më e shkurtër mes dy qyteteve. Infrastruktura mbetet fuqia e ndryshimit dhe është pikërisht ky projekt që do ta fuqizojë ekonomikisht Elbasanin", u shpreh Berisha.
Projekti parashikon që autostrada të jetë e gjatë 31.17 kilometra, me 4 korsi, 7 mbikalime dhe 3 nënkalime.
n.e/NOA
