Stokholm, 12 mars, NOA - Suedia është vendi i dytë nga i cili Turqia ka tërhequr ambasadorin, pas atij në Shtetet e Bashkuara të Amerikës dhe kjo për shkak të miratimit nga parlamenti i këtij vendi të një rezolute, e cila e klasifikoi si genocid vrasjen e qindra-mijëra armenëve gjatë Luftës I Botërore në Turqi. Nga ana e tij, ministri i Jashtëm suedez, Karl Bild, shprehu keqardhje për vendimin pasi sipas tij, ai mund të rrezikojë procesin pajtues në mes të Turqisë dhe Armenisë.
Ndërkaq, diplomatja turke njoftoi në televizion se do të largohet nga Suedia sa më shpejt që të jetë e mundur.
Duke komentuar vendimin e parlamentit në Stokholm, presidenti turk Abdullah Gül tha se ata që e morën këtë vendim nuk janë historianë dhe shfaqin shumë pak respekt për historinë".
n.e/NOA
