Berlin, 12 mars, NOA - Ministrat e Transporteve të Bashkimit Evropian kanë rënë dakord mbi hartimin e një projektligji të ri sa i përket kujdesit të transportit ajror, i cili parashikon afate për listat e pasagjerëve, por ata ende kanë polemizuar për koston e skanerave të trupit nëpër aeroporte. Projektligji i ri parashikon se në të ardhmen në rast aksidentesh ajrore, familjet e viktimave në Bashkimin Evropian do të informohen më shpejt.
"Duhet evituar që shoqëritë ajrore të jenë nën trysni të vazhdueshme për dhënien e informacioneve. Për këtë arsye ramë dakord për një kompromis i cili parashikon një afat maksimal prej dy orësh për vënien në dispozicion të listës së pasagjerëve", u tha në këtë takim.
Edhe në fushën e mjedisit, si p.sh. në temën e mbrojtjes nga ndotja akustike dhe fluturimeve natën, duhet të njihen standardet evropiane.
Brenda Evropës mendohet ndërkaq për të detyruar pasagjerët të paguajnë për skanerat e kontestuar të trupit.
Ndërkohë që në Parlamentin Evropian shumica është e mendimit se për skanerat duhet të paguajë shteti dhe pra gjithë taksapaguesit, pjesa më e madhe e shteteve anëtare janë të mendimit se kjo është diçka që u takon konsumatorëve, pra pasagjerëve të shoqërive ajrore.
n.e/NOA
