Londër, 14 Mars NOA - Ekipi anglez i Çelsit ka fituar me rezultatin e thellë 4 me 1 ndeshjen me West Ham e vlefshme për Kampionatin Anglez të Premier League.Me sa duket ky rezultat është si një thirrje për Interin pasi, zikaltërit do të përballen në ndeshjen e kthimit në Ligën e Kampionëve me skuadrën e Ançelotit dhe kjo gjë duhet ti vërë në përgatitje ata për këtë sfidë.
Blutë e Londrës duket se janë kthyer në formën e tyre optimale dhe këtë gjë e tregon vetë rezultati i kësaj sfide. Çelsi ka arritur të kalonte në avantazh që në minutën e 16 të pjesës së parë me Alex, goli i të cilit u barazua përkohësisht me anë të Parker nga skuadra e teknikut tjetër italian Zola. Më pas ishte një dy golësh i Drogba respektivisht në minutat e 56 dhe 89 dhe goli i realizuar nga Maluda në minutën e 76 të takimit, të cilët vendosën dhe rezultatin përfundimtar të kësaj gare. Me këtë fitore Çelsi ngjitet sërish në krye të klasifikimit dhe është në pritje të sfidave të ndjekësve të saj, Arsenal dhe United. r.b/NOA
